讲， 「吴生， 今次为左我搬屋事真係麻烦左你好多， 咁啦， 如果唔介意话， 我想搵日请你同志仔两个一齐出去食番餐饭当係多谢你帮忙!」

    我亦笑番住同佢讲， 「边个请都好啦， 可以帮得倒人咪就帮囉， 况且我亦都有 ission 收， 正确啲讲其实应该係我多谢番妳至啱!」 虽然我同样对 Eliane 亦都有啲感觉， 但我同 Eliane 一样都係唔知应该要点讲同点做， 先至可以令到大家都知道对方心意会係点。

    我响个袋取左个刚买新门锁出黎， 跟住我就再同 Eliane 讲， 「同妳换埋把新锁去， 因为始终之前有人住过， 同埋….妳把门锁似乎删得都唔係咁好!」

    Eliane 听倒之后正一脸感动咁话， 「係呀， 我成日上黎都觉得把锁唔係删得咁好， 有时度门直情会自动打开左添， 唔该哂你呀吴生!」

    几日之后， 下昼时份， 我收到学校打电话黎， 话志仔响学校突然发高烧， 校方要求我立刻到校带志仔去睇医生， 收线之后， 我急到即时就驾车去到学校度， 接左志仔之后， 跟住我再驾车就带志仔去法国医院度睇急症。

    经检查过后， 志仔証实係患左双病毒感染， 而需要即时入院留医同治疗， 正帮志仔办紧入院手续时候， 我个电话响起， 係 Eliane 打黎比我， Eliane 好急咁问住我， 「吴生， 志仔佢而家点呀?」 我讲左志仔情况比 Eliane 知道之后， Eliane 跟住就话会赶黎法国医院呢度搵我地。

    办好入院手续之后， 我陪住志仔上到病房， 跟住再无几耐之后， Eliane 亦都已经赶到黎， 「吴生， 志仔点样呀?」 见 Eliane 正一面担心咁样， 我安慰住佢， 「应该唔会有大问题， 医生话係关乎近排出面啲病毒传染得太犀利， 所以好多小朋友都有呢种情况发生咁喎!」

    Eliane 听倒之后已经鬆左一口气， 同 Eliane 两个一齐响病房度陪住志仔， 响医院叫饭食过之后， 跟住志仔居然同我讲， 「爹啲， 陈老师都好攰架嘞， 你不如送陈老师番屋企先啦， 我自己一个人响度打机就得架嘞!」

    陈老师啤住志仔黎讲， 「喂， 边个话比你打手机架， 而家你咁样病左， 要早啲休息个人先会快啲好番-->>

本章未完，点击下一页继续阅读